چهار شنبه , اکتبر 17 2018
مرکزی صفحہ / کربلاء معلیٰ / حرمِ مقدس امامِ حُسین (ع)۔ / اربعین کے عظیم اجتماع کو دیکھ کر دشمن حواس باختہ ہوچکا ہے، آیت اللہ سید علی خامنہ ای
139508161958296989126044 (1)

اربعین کے عظیم اجتماع کو دیکھ کر دشمن حواس باختہ ہوچکا ہے، آیت اللہ سید علی خامنہ ای

عراق کے شہر”حلہ” میں زائرین کی شہادت اور ٹرین تصادم پر افسوس کا اظہار کرتے ہوئے ایرانی حکام سے ان حوادث کے بارے میں بنیادی حل تلاش کرنے کا حکم دیا ہے۔آیت اللہ سید علی خامنہ ای نے عراق کے شہر “حلہ” میں دہشتگردانہ حملے اور ایران کے شہر “سمنان” میں ٹرین حادثے پر افسوس کا اظہار کرتے ہوئے داعش کے ہاتھوں شہید ہونے والے شہدا اور ٹرین حادثے میں جاں بحق ہونے والوں کے لئے دعائے مغفرت طلب کی ہے اور اعلیٰ ایرانی حکام سے کہا ہے کہ ان تلخ واقعات کے بارے میں تحقیقات کریں اور بنیادی حل تلاش کریں تاکہ دوبارہ اس قسم کے دلسوز واقعات رونما نہ ہوں۔
آیت اللہ خامنہ ای نے حکام کے نام پیغام میں کہا ہے کہ “عراق کے شہر حلہ میں ایرانی اور غیرایرانی سینکڑوں عاشقان امام حسین علیہ السلام کی شہادت اور سمنان میں پیش آنے والا ٹرین کا دل خراش واقعہ کہ جس میں متعدد زائرین امام رضا علیہ السلام جاں بحق ہوئے، کے ورثاء کے غم میں برابر کا شریک ہوں”۔ آیت اللہ خامنہ ای نے اربعین ملین مارچ کو ایک عظیم تاریخی حقیقت اور نعمت الہی قرار دیتے ہوئے کہاکہ دشمن عاشقان حسینی کے اربعین ملین مارچ دیکھ کر بوکھلاہٹ کا شکار ہوگیا ہے۔
ان کا کہنا ہے کہ اربعین کے عظیم اجتماع کو دیکھ کر دشمن حواس باختہ ہوچکا ہے اور اربعین کی ملین مارچ نے دشمن کے تمام تر منصوبوں کو ناکام بنا دیا ہے جس کی وجہ سے دشمن انتقام لینے پر اتر آیا ہے اور اس قسم کے بزدلانہ اور گھناؤنی حرکت کرکے اپنی خباثت اور پلیدی کا اظہار کیا ہے۔
انہوں نے مزید کہا ہے کہ دنیا کے دیگر خطوں خاص کر نائیجریا، پاکستان اور افغانستان سے بھی اس قسم کے وحشیانہ حملوں کی خبریں موصل ہوئی ہیں۔ایت اللہ خامنائ نے مزید فرمایا ہے کہ تکفیری دہشت گردوں اور اس کے حمایتی ممالک نے ایک بار پھر عالم اسلام کو جھنجوڑ کر رکھ دیا ہے۔
ایت اللہ خامنائ نے ٹرین حادثے اور حلہ حملے میں شہید ہونے والے افراد کے لئے دعائے مغفرت اور زخمیوں کے لئے اللہ تعالی سے جلد شفا یاب ہونے کی دعا کرتے ہوئے اعلیٰ ایرانی حکام سے ان دونوں حادثوں کی تحقیقات کرنے کا حکم دیا ہے۔یاد رہے کہ عراق کے صوبہ بابل کے مرکزی شہر حلہ میں ایک دہشت گردانہ کار بم دھماکے میں 80 سے زائد زائرین شہید ہوگئے تھے۔

یہ بھی ملاحظہ ہو

zz

امریکہ کی ایک ریاست میں حضرت عباس(ع) کی ضریح مبارک کی شبیہ……

اقوام متحدہ میں جاری کانفرنس میں شرکت کے لیے روضہ مبارک امام حسین علیہ السلام …

پاسخ دهید

نشانی ایمیل شما منتشر نخواهد شد. بخش‌های موردنیاز علامت‌گذاری شده‌اند *